Este fin de semana, concretamente o domingo 2 de abril, celébrase na localidade asturiana de Tineo o Rallye que leva o nome da mesma localidade, puntuable para o certame asturiano de rallyes. A cita, acode o equipo ourensan formado por Jorge González "Rantur" e Alex Cid cun dos Mitsubishis Lancer de RMC Sport, que utilizarán a cita asturiana como proba de cara á súa participación no nacional de rallyes de asfalto 2006 cun Mitsubishi Lancer Evo IX do mesmo preparador.
O equipo ourensan agarda poñer a proba unha nova montura á que deberá de se adaptar de cara á súa primeira participación no Rallye de Cantabria o vindeiro mes de maio, cita previa ó calendario "galego" do nacional formado polos rallyes Rias Baixas, Ourense e Ferrol.
En Tineo Jorge "Rantur" tentará se facer á condución dun coche totalmente inédito para o, como o é o Mitsubishi de tracción integral, xa que ata o momento o piloto ourensan só participara con vehículos de tracción dianteira e de menor peso e dimensións que os vehículos japoneses que lideran o grupo N alá onde se presenten.
Be the first to comment