Esta fin de semana disputouse polas estradas da comarca do Deza a decimoprimeira edición do Rally do Cocido, cun resultado tan positivo para o equipo Grille Competición, da escudería Senra Sport, que se podería calificar como histórico.
O equipo completo concorda en que “rematar en 5ª posición da xeral, e 2º do Grupo X no primeiro rally da tempada, e coa boísima inscrición que había para este rallye era algo que só soñabamos, pero que non viamos posible.”
Segundo as palabras de Javier Ramos Grille, piloto: “Estou tremendamente satisfeito. Foron máis de 90 kilómetros contra o cronómetro, nunhas condicións moi complicadas e tivemos algúns problemiñas. Pero o resultado é, simplemente, magnífico”
Álvaro Corzón, o seu copiloto, asegura que “vendo como estaba a climatoloxía decidimos ir con sentidiño, pero sen relaxarnos. Había zonas moi húmidas e sucias. Nestes casos é mellor levantar o pé. Son zonas nas que se poden gañar décimas, pero é máis doado saírse da pista”
No control Stop do último tramo do día, o piloto da Leiteira (como se coñece familiarmente ó seu vehículo, dada a publicidade que leva) aseguraba entre bromas “hai unhas noites soñei que lle gañaba a Senra (o pentacampión galego de rallys), pero ó espertar boteime a rir. Pero hoxe gañámoslle, e estou ben esperto”
Patrocinan a Grille Competición:
Leite e Queixos Xoven, Desguaces Herbón, Xtrem Energy Drink, Arquisip, Martiño de Lopo Fotografía e Vídeo, Viales Santa María, Ausavil, Construcciones Constantino Pazos, Renault Caeiro S.A.