Chega o III Fórmula Rali do Cocido

O vindeiro 6 de febreiro, a escudería Lalín-Deza organizará a terceira edición do Fórmula Rali do Cocido, cunha clara intención, seguir mellorando. En canto a espectáculo, este estará garantido, xa que os pilotos que nos acompañarán serán, un ano máis de primeira liña. Dende hai días, estase contactando con grandes nomes do ámbito rexional, nacional e internacional, que pouco a pouco se irán confirmando. Tratarase seguir mellorando na seguridade, na comodidade para o público, así como buscar unha maior repercusión mediática.

O vindeiro 6 de febreiro , a Escudería Lalín-Deza levará a cabo a terceira edición do Fórmula Rallye do Cocido.

Os inicios
A finais de 2005, coincidindo co X aniversario do Rali do Cocido, a escudería Lalín-Deza decidiu facer no parking exterior do Pontiñas, Centro Comercial e de Ocio Haley unha exhibición na que o lucense Pedro Burgo a bordo do seu Mitsubishi demostrou a súa destreza ó volante. A devandita exhibición tamén valeu como presentación da XI Rali do Cocido, que apenas dous meses máis tarde se celebraba. Amén disto, esa noite celebrabase unha cea na que tódolos gañadores das primeiras edicións do Rali do Cocido
recibiron uns agasallos.

Visto o espectáculo vivido, un ano máis tarde, de novo dende a Lalín-Deza barallase facer unha presentación racing do que sería o XII Rali do Cocido. Desta volta organizabanse unas charlas sobre fotografía deportiva, na que o catalán Miquel Liso nos amosou os encantos deste incrible mundo, para moitos descoñecido. Non podía faltar o espectáculo, e a gran estrela sería Dani Solá, o catalán que viña de correr varias carreiras do mundial de Ralis como piloto oficial no equipo Ford, acompañado por pilotos da talla de Luís Gil, Caixas, Marabú…fixeron que moitos dos presentes se olvidasen por un intre da fría tarde que nos acompañaba.

e así nace, I Fórmula Rali do Cocido
No 2008 foi un novedoso evento que contou ca presenza das mellores mans ó volante de España dos ultimos anos; nomes como Luis Climent, Oriol Gómez, Dani Solá, Jaime Azcona, amén da armada galega Capitaneada por Sergio Vallejo, (actual campión de España de Ralis), Luis Vilariño, Manolo Senra, Pedro Burgo (actual campión galego de ralis), Bamarti, Amador Vidal, Julio Doce, Magariños, Moncho Santiso, Jesús Ferreiro David Abad.

O lucense Sergio Vallejo foi o primeiro en escribir o seu nome no palmarés da proba.

A premisa de 2009, Mellorar
Aínda que a o primeiro Fórmula Rali do Cocido foi un éxito en canto a espectáculo, quedaba que mellorar en canto ó desenrolo xeral da proba.

 En canto a pilotos semellaba difícil poder superar a edición de 2008.
 Para esta edición Jesús Ferreiro, Víctor Magariños, Manuel Senra, Jaime Castro, José Manuel Pose, Toño Villar, Jaime Azcona, Javier Azcona, Amador Vidal, Oriol Gómez, Luís Climent, Iván Ares e o mundialista Gigi Galli foron os encargados de demostrar a percicia ó volante.
 
 O espectáculo estaba garantido, sobre todo despois de ver como Súper-Galli deixaba a todo o presente abraiado coa súa forma de dominar un Evo IX.

O transalpino, que viña de recuperarse dun forte accidente sufrido no Rallye de Alemania, en ningún momento dou sensación de estar en proceso de recuperación facendo derrapaxes, que incluso á física lle resultaría difícil demostrar, sendo o máis espectacular da proba.
 
 Pero o gañador deste II Fórmula Rali do Cocido sería Luís Climent. O valenciano, ex-piloto oficial de Opel, Citroen, Renault… e ex-campión de España de Ralis escribiu o seu nome no palmarés da proba tras unha apretadísima final na que superou a pilotos da talla de Jaime Castro, Victor Magariños ou Javier Azcona.

…e chega o III Fórmula Rali do Cocido

O vindeiro 6 de febreiro, a escudería Lalín-Deza organizará a terceira edición do Fórmula Rali do Cocido, cunha clara intención, seguir mellorando.

En canto a espectáculo, este estará garantido, xa que os pilotos que nos acompañarán serán, un ano máis de primeira liña. Dende hai días, estase contactando con grandes nomes do ámbito rexional, nacional e internacional, que pouco a pouco se irán confirmando.

Tratarase seguir mellorando na seguridade, na comodidade para o público, así como buscar unha maior repercusión mediática.