 |
A Federación Galega de Automobilismo, a través do seu Presidente, informou ó Comité Organizador do Trofeo Curuxarallye que este Certame Promocional non se celebrará a partir de 2011. |
Desde Curuxarallye seguimos crendo nun proxecto que, pese a erros de xuventude, foi fundamentalmente positivo para os pilotos que debutaron na competición automobilística durante as tempadas 2009 e 2010.
Grazas a este Trofeo Promocional os pilotos debutantes coñeceron a competitividade nunha Copa, a única completamente gratuíta para os participantes, e conseguiron unha repercusión mediática que doutro xeito non terían.
As probas son que os pilotos que se formaron no Trofeo Curuxarallye 2009 destacaron no 2010, como o caso Paulo Gradaílle (vencedor do Trofeo Kumho 2010) Carlos Rubén Guerreiro, Roberto Tenreiro, ou Pedro Freire na RACC.
Seguramente no 2011 falemos de pilotos como Amancio Veiga, Borja Vila, Marcos Rodríguez, Luis Pérez…
É este o momento de dar grazas a toda a xente que colaborou como membro do Comité Organizador, ós colaboradores (PTC-Escuela, DVF-Técnicas de Copilotaje, Anviar, Grafiideas), patrocinadores e, sobre todo, ós medios que lle deron difusión mediática: Cronomotor, AutoHebdo, MotorGalicia, Fibra de Carbone, Gas a Fondo, Galicia e PlanetaRAS, e a tódalas webs que nos axudaron (GZRally, MCRallyes, Tula Sport, etc)
Finalmente queremos agradecer ás Escuderías Organizadoras o apoio e trato recibido, e á Federación Galega de Automobilismo e ó seu Presidente a facilidade para ter realizado este Certame durante estes dous anos.
Moita sorte ós máis de 50 pilotos que en dous anos formaron parte deste trofeo: "¡Sentidiño, e Meigas Fóra!"
Martiño de Lopo
Fotografía y texto: Comunicado de prensa.
Be the first to comment