O actual campeón de Galicia de grupo N agarda brillar nunha proba talismán

LUIS PENIDO PROCURARÁ EN NOIA OS POSTOS DE CABEZA
        
        O actual campeón de Galicia de ralis de grupo N, o piloto santiagués Luis Penido, comeza a súa tempada no presente ano 2006 participando no Rali de Noia, segunda proba do campionato autonómico que se disputa este sábado en diversas estradas da comarca do Barbanza.

 
     Penido, que contará de novo con Eladio Ronquete en funcións de copiloto, estará na saída dunha proba que foi favorable para el, obtendo dous pódios na dúas derradeiras edicións, en concreto un terceiro posto no ano 2004 ( Peugeot 106 Kit-car) e un segundo lugar no 2005 (Mitsubishi Lancer).

        " É a nosa primeira proba do 2006 e decidimos la afronta en grupo A, modificando certos parámetros no Mitsubishi, como acontecese no Rali de Lugo do pasado exercicio, que lle confiren mellores prestacións" comentaba o campeón de grupo N do pasado ano, unha vez revisada e preparada a súa unidade.

        O que ten ben claro o piloto santiagués é que repetir algún dos postos das edicións citadas será máis que complicado. " Se o galego de ralis xa tiña nivel este ano incrementouse. Para o meu os favoritos son Senra e Bamarti, vendo tamén como evolucionan Luis Vilariño e Pedro Burgo. Ademais hai outros pilotos que van rodar rápido como Meira, Gómez, Blach ou Muñiz. É un rali moi traicionero, con tramos complicados propensos a golpes e avarias, polo que as baixas serán numerosas. A nosa intención é correr todo o posible, estar pendentes dos tempos de cabeza, e aproveita-lo menor erro para nos situa-lo mellor posible" comentaba o piloto do Mitsubishi Lancer.

        Penido e todo o seu equipo estarán na consolidada manga coruñesa grazas ó apoio económico dunha serie de patrocinadores que confian no bo facer do santiagués, como veu acontecendo nas derradeiras tempadas. " Quero agradece-la confianza que depositaron no meu Grupo Noya, Outeiro Caritón, Star, Gecor, Cafés Bogani, Hotel-Restaurante Balboa e Grafiideas, merced ós cales podemos competir neste rali. Agardamos lles devolve-la investimento cun bo resultado, así coa mellor difusión posible da súa imaxe de marca" afimaba o compostelán.

    A Cíta do Barbanza chega á súa edición número vintedous, contando con coeficiente seis para o rexional galego. A saída darase ás 08h30 do sábado no Malecón de San Lázaro, a onde os vehículos supervivientes regresarán a partir das 20h42. Conta cun esquema de catro especiais – San Finx, Cubelo, Outes-Freixo e Montemuíño- a dobre paso, configurando 100 quilómetros cronometrados, e sobre as cales Luis Penido ten a seguinte opinión: " É o mesmo esquema do pasado ano, aínda que agora con dobre paso polas catro especiais. En xeral os tramos desta zona son duros, dificiles e adoitan ocasionar multitude de abandonos. Destaco as orquillas e a baixada de Cubelo, o ratonero que é San Finx, os cambios de ritmo de Montemuíño e, sobre todo, as altas velocidades que se alcanzan en Outes-Freixo"

Sobre Ruben 4481 Artículos

Webmaster de www.Gzrally.com desde 2003. Apasionado del motor y la fotografía.

Sé el primero en comentar

Deja un comentario