Dúas de dúas para Alberto Meira, tras vencer no Rallye Ría de Noia.

Victorioso arrinque de tempada para o piloto vigués, dominador do grupo N.

A segunda cita do Campionato Galego de rallyes tiña lugar en terras do barbanza, con motivo do Rallye Ría de Noia, celebrado o pasado sábado e no que Alberto Meira e todo o seu equipo lograban unha nova vitoria dentro da categoría de grupo N, a bordo do Mitsubishi Lancer Evo VIII patrocinado por "Fincasa", "EcoPeixe", "Piñeiro Moda", "Reiriz Sport", "Pneumáticos Barreiro" e a "Concellería de Deportes de Vigo".

Trala forte chuvia caída o venres, día en que tiñan lugar as verificacións administrativas e técnicas dos vehículos participantes, o sábado amencía soleado pero co asfalto agochando moitas trampas debido ás humidades. Alberto Meira, que chegaba a metade de carreira enfrascado nunha loita pola segunda praza con Penido, Vilariño e Barreiro, comentaba que "Aínda que non acertei do todo á hora da elección de pneumáticos, os tramos foron idóneos para un vehículo con tracción total como o noso, xa que o asfalto esvaradizo fainos ser moito máis competitivos de cara á clasificación xeral. De todas formas pola tarde os tramos xa estarán secos e vainos custar seguir pelexando por subir ó podium do rallye."

Trala segunda sección, e mantendo o seu indiscutible liderato entre os vehículos de grupo N, Alberto Meira e o seu copiloto Álvaro Bañobre chegaban a Noia como cuartos clasificados na clasificación xeral, e moi satisfeitos polo desenvolvemento da carreira: "Todo o equipo estivo fantástico. Ó nos ceñir ás limitacións da regulamentación do grupo N non sempre podemos competir polos primeiros postos do rallye contra rivais mellor armados, pero en todo caso demos moita guerra e encantaríame seguir esta boa liña durante o resto da tempada."

Tras este segundo envite do ano, Alberto Meira segue ocupando a segunda posición do certame autonómico de rallyes, por detrás do líder Xosé Martínez Barreiro. A próxima carreira do campionato terá lugar os días 19 e 20 de maio en Cambados, con motivo do XV "Rallye do Albariño".

A segunda cita do Campionato Galego de rallyes tiña lugar en terras do barbanza, con motivo do Rallye Ría de Noia, celebrado o pasado sábado e no que Alberto Meira e todo o seu equipo lograban unha nova vitoria dentro da categoría de grupo N, a bordo do Mitsubishi Lancer Evo VIII patrocinado por "Fincasa", "EcoPeixe", "Piñeiro Moda", "Reiriz Sport", "Pneumáticos Barreiro" e a "Concellería de Deportes de Vigo".

Clasificación del Campeonato Gallego:

Piloto (Vehículo)
Puntos
1º José Martínez Barreiro (Peugeot 306 Maxi) 425
2º Alberto Meira (Mitsubishi Lancer Evo VIII) -1º grupo N 342
3º Pedro Burgo (Mitsubishi Lancer Evo IX) 210
4º Manuel Senra (Peugeot 306 Maxi)
191
5º Luis Vilariño (Renault Clio Super 1600) 150
Sobre Ruben 4477 Artículos
Webmaster de www.Gzrally.com desde 2003. Apasionado del motor y la fotografía.

Sé el primero en comentar

Deja un comentario