Alberto Meira No Rally do Albariño

O piloto vigués, segundo clasificado no Campionato Galego e líder do grupo N, pensa participar en catro rallyes e unha subida de Montaña nas próximas cinco semanas.
Chegan semanas de movemento para Alberto Meira e todo o seu equipo.

Na competición do automóbil, onde o aspecto loxístico ten especial importancia en canto á organización dun equipo, adóitase dicir que "tan pronto como finaliza unha carreira, comeza a seguinte", pero elo non podería ser máis certo no caso do piloto vigués Alberto Meira, que o próximo fin de semana afrontará o Rallye do Albariño (terceira cita do Campionato Galego) en Cambados, dúas semanas despois participará no Rallye Rías Baixas valederio para o Campionato de España, e xusto ó final a proba viguesa terá que comezar a prepara-la súa participación na seguinte proba do certame autonómico, concretamente a disputada en Narón, xusto sete días antes de participar na Suba a Sta. María de Oia na que tratará de poñer a punto o seu coche de cara ó Rallye de Ourense, de novo puntuable para o Campionato de España. Sen dúbida, semanas estresantes para o piloto patrocinado por "Fincasa", "EcoPeixe", "Piñeiro Moda", "Reiriz Sport", "Neumáticos Barreiro" e a "Concellería de Deportes de Vigo".

O piloto vigués comenta que: "Sen dúbida, o esforzo dos meus patrocinadores é fundamental para afrontar dous campionatos simultaneamente, e de momento estou moi satisfeito polos resultados, que agardo sirvan para da-la maior repercusión publicitaria ás empresas que me apoian."

En calquera caso, a pesar do optimismo que se respira no equipo tralos bos resultados obtidos no inicio de tempada, Meira quere irse centrando en cada carreira por separado: "Ó fin e ó cabo, tamén hai que ter en conta que un accidente ou avaria importante podería trastoca-los planes iniciais de participación a proba seguinte, por iso debemos ir facendo as cousas paso a paso. Agora mesmo só quero pensar no Rallye do Albariño, onde vou emprega-los neumáticos da sinatura checa Matador, coa que cheguei a un acordo de cara a esta tempada."

Cíta do Salnés, con coeficiente 7 no certame galego de rallyes, celébrase o próximo fin de semana: Tralas verificacións administrativas e técnicas que terán lugar na tarde do venres 19 de maio, o sábado 20 será o momento da verdade para Alberto Meira e o seu copiloto Álvaro Bañobre, ó se disputar case 100 quilómetros cronometrados divididos en 11 tramos que conforman o itinerario a proba, de 403,94 quilómetros de percorrido. O cambadés peirao de Tragove será punto de inicio (ás 8:00) e chegada (21:15) a proba.

Sobre Ruben 4448 Artículos
Webmaster de www.Gzrally.com desde 2003. Apasionado del motor y la fotografía.

Sé el primero en comentar

Deja un comentario